СОБРАНИСКА ДЕЛЕГАЦИЈА НА 14. ПАРЛАМЕНТАРНО СОБРАНИЕ НА МЕДИТЕРАНОТ

Во рамките на редовната годишна конференцијата на Парламентарното собрание на Медитеранот (ПСМ), што се одржа во Атина, Република Грција, свое учество имаше и Парламентарната делегација на ПСМ на Собранието на Република Северна Македонија, во состав: Емил Димитриев, шеф на Делегацијата и членовите на Делегацијата: Чедомир Саздовски, Владанка Авировиќ и Хари Локвенец.

На оваа редовна годишна конференција на ПСМ беше презентирана работата и годишните активности на сите три постојани комитети на ПСМ, при што беа усогласени и донесени сите резолуции кои беа предложени од страна на комитетите. Имено, темите и прашањата кои се разгледуваа и усвоија во предложените резолуции, беа од областа на политичката и безбедносна стабилност во МЕНА-регионот, заканите и справување со тероризмот во Евромедитеранскиот регион, финансискиот развој и економската стабилност и раст во Евромедитеранскиот регион, зајакнување на акциите кон заштита од климатските промени, заштита на човековите права и миграциските движења во регионите зафатени со војна, како и прашањата околу заштита на бегалците опфатени со воените дејствија во регионот.

На конференцијата свои обраќања имаа претседателот на Парламентот на Република Грција, Констанин Тасулас; претседателката на ПСМ, Алие Буран; министерот за рурален развој на Република Грција, Мавроудис Воридис; како и претставници од Светската здравствена организација и координатори на повеќе центри на ООН во рамките на физичките и климатските промени, здравство, храна и рурален развој, итн.

Во рамките на работата на 3. Постојан комитет на тема „Дијалог меѓу цивилизациите и човекови права“, свои обраќања имаа и Дора Бакојани како пратеник во Грчкиот парламент и Евангелос Венизелос, поранешен вице-премиер на Република Грција.

Конференцијата заврши со вообичаеното доделување на награди на ПСМ и со завршните заклучоци на претседателката на ПСМ, сенаторката од Јордан, Алие Буран.

Преземено од Собрание.мк.

Leave a Reply

Your email address will not be published. Required fields are marked *